08-08-2018 11:58 5874

 

38633669 1930801356982580 6584864801040629760 n

 

Արդշինբանկը նվազեցրել է «Երիտասարդ ընտանիքին՝ մատչելի բնակարան» ծրագրի շրջանակում վարկավորման տոկոսադրույքը: Համաձայն նոր պայմանների՝ այսուհետ վարկը հասանելի է 7.35%* տարեկան տոկոսադրույքով:

Պետության կողմից սուբսիդավորման արդյունքում Երևանում ձեռք բերվող անշարժ գույքի դեպքում տոկոսադրույքը նվազում է ևս 2 տոկոսային կետով, իսկ ՀՀ մարզերում ձեռք բերվող անշարժ գույքի դեպքում՝ 4 տոկոսային կետով: Ավելին՝ Բանկի սեփականությունը հանդիսացող բնակելի անշարժ գույքի ձեռք բերման դեպքում վերոնշյալ տոկոսադրույքը նվազում է ևս 1 տոկոսային կետով:

Վարկը տրամադրվում է մինչև 17,5 մլն ՀՀ դրամի չափով, մինչև 15 տարի ժամկետի հնարավորությամբ, սկսած 10% կանխավճարից:

Հիշեցնենք, որ վերջերս Արդշինբանկը նվազեցրել էր նաև Ազգային հիփոթեքային ընկերության կողմից վերաֆինանսավորվող անշարժ գույքի ձեռք բերման, վերանորոգման և կառուցման/կառուցապատման նշանակության հիփոթեքային վարկերի տոկոսադրույքները:

Վարկը ստանալու համար անհրաժեշտ է դիմել Բանկի ցանկացած մասնաճյուղ՝ ներկայացնելով անձը հաստատող փաստաթուղթ և հանրային ծառայությունների համարանիշ:

«Երիտասարդ ընտանիքին մատչելի բնակարան» ծրագրի շրջանակում տրամադրվող հիփոթեքային վարկի մասին մանրամասն տեղեկատվություն կարող եք ստանալ այցելելով հետևյալ հղմամբ՝ https://goo.gl/kPPYR9 կամ զանգահարելով (012)222222 շուրջօրյա հեռախոսահամարին:

* տարեկան փաստացի տոկոսադրույքը՝ սկսած 8.23 %-ից

Մեկնաբանություն թողնելու համար մուտք գործեք համակարգ:


Ո՞ր բանկն է առավել վստահելի ?

Ո՞Ր ՎԿ-Ն Է ԱՌԱՎԵԼ ՎՍՏԱՀԵԼԻ ?

Ո՞Ր ԳՐԱՎԱՏՈՒՆՆ Է ԱՌԱՎԵԼ ՎՍՏԱՀԵԼԻ ?